എംപ്ലോയ്മെന്റ്
രജിസ്ട്രർ ചെയ്തിട്ട് മൂന്ന് വർഷം ആയിട്ടും ജോലിയൊന്നും ലഭിക്കാത്തവർക്ക് തൊഴിലില്ലായ്മ
വേതനത്തിന് അതാത് പഞ്ചായത്തിൽ അപേക്ഷിക്കാവുന്നതാണ്.
അപേക്ഷകർ എംപ്ലോയ്മെന്റിൽ
രജിസ്റ്റർ ചെയ്തിട്ട് 3 വർഷം ആയിരിക്കണം. എസ്.എസ്.എൽ.സി. വിജയിച്ചിരിക്കണം. കുടുംബ
വാർഷിക വരുമാനം 12,000 രൂപയിൽ താഴെ ആയിരിക്കണം. എസ്.സി./ എസ്.ടി വിഭാഗത്തിൽ പെട്ടവർക്ക്
പത്താം ക്ലാസ്സ് പരാജയപ്പെട്ടാലും അപേക്ഷിക്കാവുന്നതാണ്.
പ്രതിമാസം
120 രൂപയാണ് തൊഴിലില്ലായ്മ അലവൻസ് സ്കീം എന്ന നിലയിൽ സർക്കാർ നൽകി വരുന്നത്. 1982ലാണ്
തൊഴിലില്ലായ്മ അലവൻസ് പദ്ധതി അവതരിപ്പിച്ചത്.
നാഷണൽ എംപ്ലോയ്മെന്റ്
സർവീസ് കേരളം വഴി 1998 വരെ ഈ പദ്ധതി നടപ്പിലാക്കിയിരുന്നു. 1994ലെ കേരള പഞ്ചായത്ത്
രാജ്, മുനിസിപ്പാലിറ്റി ആക്റ്റ് നടപ്പിലാക്കിയതിന്റെ ഫലമായി പദ്ധതി തദ്ദേശ സ്ഥാപനങ്ങൾക്ക്
കൈമാറി. ഇപ്പോൾ തൊഴിലില്ലായ്മ തുക തദ്ദേശ സ്ഥാപനങ്ങൾ വഴിയാണ് വിതരണം ചെയ്തുവരുന്നത്.
അപേക്ഷ നൽകേണ്ടത്:
ഗ്രാമപ്പഞ്ചായത്ത് /നഗരസഭ സെക്രട്ടറിക്ക്
ഹാജരാക്കേണ്ട രേഖകൾ:
1. നിശ്ചിത ഫോമിലുള്ള അപേക്ഷ (2 പകർപ്പ്)
2. എസ്.എസ്.എൽ.സി.
ബുക്കിന്റെ സാക്ഷ്യപ്പെടുത്തിയ പകർപ്പ്
3. എംപ്ലോയ്മെന്റ്
രജിസ്ട്രേഷൻ കാര്ഡിന്റെ പകർപ്പ്
4. പഞ്ചായത്ത്
/നഗരസഭാപ്രദേശത്ത് സ്ഥിരതാമസം സംബന്ധിച്ച രേഖ.
5. ഫോട്ടോ പതിച്ച
തിരിച്ചറിയൽരേഖ
6. വികലാംഗ സർട്ടിഫിക്കറ്റ്
(ബാധകമായവർക്കു മാത്രം)
7. ട്രാൻസ്ഫർ
സർട്ടിഫിക്കറ്റ് – പകർപ്പ് (പരിശോധനയ്ക്ക് എത്തുമ്പോൾ ഒറിജിനൽ ഹാജരാക്കണം)
അർഹതാമാനദണ്ഡം:
എസ്.എസ്.എൽ.സി പാസ്സായിരിക്കണം. പട്ടികജാതി /പട്ടികവർഗ്ഗ /വികലാംഗ വിഭാഗക്കാരെ സ്കൂളിൽ
പഠിച്ച് എസ്.എസ്.എൽ.സി. പരീക്ഷയ്ക്ക് ഹാജരായാലും പരിഗണിക്കും.
കുടുംബവാർഷികവരുമാനം 12,000 രൂപയിലും വ്യക്തിഗതവരുമാനം
പ്രതിമാസം 100 രൂപയിലും അധികമാകരുത്.
പ്രായം: 18 നും 35 നും ഇടയിൽ
വികലാംഗർക്ക്
/പട്ടികജാതിക്കാർക്ക് /പട്ടികവര്ഗ്ഗക്കാർക്ക് 18 വയസ്സിനുശേഷം തുടർച്ചയായി 2 വർഷവും
മറ്റുള്ളവർക്ക് 3 വർഷവും എംപ്ലോയ്മെന്റ് രജിസ്ട്രേഷൻ സീനിയോറിറ്റി വേണം. യഥാസമയം പുതുക്കാത്തതിനാൽ
രജിസ്ട്രേഷൻ റദ്ദായാൽ പുനർരജിസ്ട്രേഷൻ കഴിഞ്ഞ് 3 വര്ഷം പൂർത്തീകരിച്ചിരിക്കണം.
Keywords: unemployment allowance scheme kerala
തൊഴിൽ വാർത്തകൾ, വിദ്യാഭ്യാസ അറിയിപ്പുകൾ, പ്രാദേശിക
തൊഴിലവസരങ്ങൾ, വിദേശ ജോലി ഒഴിവുകൾ - ഫേസ്ബുക്കിൽ ലഭിക്കുവാൻ: 👉 Join
Our Facebook Group
0 Comments